Fréttir

Fréttabréfið að þessu sinni inniheldur upplýsingar og greinar m.a. um fundarröð SSNE með sveitarstjórnum vegna endurskoðunar sóknaráætlunar, þau verkefni á Norðurlandi eystra sem fengu styrki úr ýmsum opinberum sjóðum nýverið, Nýsköpunarvikuna sem klárast í dag og um samgöngustefnu landshlutans auk þess sem við kynnum og bjóðum velkominn nýjan verkefnisstjóra Betri Bakkafjarðar.

Stjórn Tækniþróunarsjóðs hefur samþykkt að bjóða fulltrúum 72 verkefna, sem sóttu um í sjóðinn á vormisseri, að ganga til samninga um nýja styrki. Í boði voru styrktarflokkarnir Hagnýt rannsóknaverkefni, Fræ, Sproti, Vöxtur og Markaðsstyrkur. Alls bárust 459 umsóknir og er árangurshlutfall styrktra verkefna sem hlutfall af innsendum umsóknum 16%. Haft verður samband við verkefnastjóra þessara verkefna og þeir boðaðir til samningafundar.

Ásmundur Einar Daðason, félags- og barnamálaráðherra, úthlutaði 27. maí sl. styrkjum til atvinnumála kvenna og hlutu 44 verkefni styrki að fjárhæð 40.000.000 kr. Styrkjum til atvinnumála kvenna hefur verið úthlutað frá árinu 1991 og eru þeir ætlaðir frumkvöðlakonum eða fyrirtækjum í þeirra eigu. Skilyrði styrkveitinga eru þau að verkefnin séu í meirihlutaeigu kvenna, stjórnað af þeim og feli í sér nýnæmi eða nýsköpun af einhverju tagi.

Í gær kynnti Þórdís Kolbrún Reykfjörð Gylfadóttir hvaða 29 verkefni fengu úthlutað úr Lóu – styrk til nýsköpunarverkefna á landsbyggðinni. Hlutverk styrkjanna er að styrkja við nýsköpun, eflingu atvinnulífs og verðmætasköpun sem byggir á hugviti, þekkingu og nýrri færni á forsendum svæðanna sjálfra. Alls var úthlutað 147 milljónum.

Þann 28. maí var tilkynnt um úthlutun úr Barnamenningarsjóði Íslands, sem nú veitir styrki til barnamenningar í þriðja sinn frá stofnun sjóðsins. Sjóðurinn styrkir 37 metnaðarfull verkefni og er heildarupphæð úthlutunarinnar 90 milljónir króna. Alls bárust 113 umsóknir og var sótt um rúmlega fjórfalda þá upphæð sem sjóðurinn hafði til úthlutunar eða rúmar 373 milljónir króna.

Markaðsráð kindakjöts auglýsir eftir styrkumsóknum vegna sauðfjárafurða. Markaðsráð ákvarðar og úthlutar vegna þeirra umsókna sem berast.

Dagana 20. til 21. maí var fundur menningarfulltrúa landshluta haldinn á Suðurnesjum. Dagskráin var þétt og vel skipulögð með gagnlegum fundum, áhugaverðum kynningum og skemmtilegum heimsóknum, og hafi gestgjafarnir hjá Samtökum sveitarfélaga á Suðurnesjum þakkir fyrir.

Eyrarrósin, viðurkenning fyrir framúrskarandi menningarverkefni utan höfuðborgarsvæðisins, var afhent í sautjánda sinn sunnudaginn 16. maí, við hátíðlega athöfn á Patreksfirði. Frú Eliza Reid forsetafrú og verndari Eyrarrósarinnar veitti verðlaunin.

Nú hefur verið opnað fyrir Hugmyndaþorpið Norðurland sem er hugmyndasamkeppni í tengslum við Nýsköpunarvikuna. Leitast verður eftir hugmyndum um hvernig hægt sé að auka og hvetja til fullvinnslu afurða. Þátttakendur nota Hugmyndaþorp sem er hannað af Austan mána til að koma með hagnýtar og frumlegar hugmyndir útaf frá viðfangsefninu.

Veitingastaðurinn Sjávarborg á Hvammstanga mun í samstarfi við R-Rabarbari frá Svalbarðseyri taka þátt í Matarboði Nýsköpunarvikunnar. Sjávarborg mun bjóða upp á drykki og mat með vörum frá R-Rabarbara í aðahlutverki. Á boðstólum verður meðal annars rababara kokteilar, fiskréttur og rabarbarapæ.