Uppbyggingarsjóður
Uppbyggingarsjóður er samkeppnissjóður sem hefur það hlutverk að styrkja við verkefni sem falla að Sóknaráætlun Norðurlands eystra í þremur flokkum, atvinnu og nýsköpun, menningu og stofn- og rekstrarstyrkir á sviði menningar. Samtök sveitarfélaga og atvinnuþróunar á Norðurlandi eystra (SSNE) annast umsýslu sjóðsins í landshlutanum og er auglýst einu sinni á ári eftir umsóknum um styrki.
Síðasti umsóknarfrestur var þann 16. október 2024
Hér fyrir neðan getur þú lesið hagnýtar upplýsingar um Uppbyggingarsjóð Norðurlands eystra og umsóknarferlið sjálft.
Hvernig verkefni eru styrkhæf?
Veittir eru styrkir úr Uppbyggingarsjóði Norðurlands eystra í eftirfarandi þremur flokkum:
- Verkefnastyrkir á sviði atvinnuþróunar og nýsköpunar
- Verkefnastyrkir á sviði menningar
- Stofn- og rekstrarstyrkir á sviði menningar
Umsækjendum er bent á að kynna sér vel og styrkja þannig umsóknir sínar:
- Úthlutunarreglur sjóðsins.
- Áherslur Sóknaráætlunar Norðurlands eystra og tengja þær áherslur við útfærslur á verkefni umsækjanda.
- Matsblað atvinnu- og nýsköpunarverkefna.
- Matsblað menningarverkefna.
- Hér má sjá verkefni sem áður hafa verið styrkt.
- Umsækjendur skulu vera lögráða einstaklingar, félagasamtök, fyrirtæki, stofnanir eða sveitarfélög á Norðurlandi eystra.
- Uppbyggingarsjóður styrkir að jafnaði ekki meira en 50% af styrkhæfum heildarkostnaði verkefna.
Hvar sæki ég um?
Sótt er um á rafrænu umsóknarformi Uppbyggingarsjóðs Norðurlands eystra.
- Nauðsynlegt er að skráning í umsóknarkerfi sé á auðkenni umsækjanda.
- Umsóknir fyrir lögaðila (félög og fyrirtæki) þurfa að vera skráðar á kennitölu viðkomandi. Því er nauðsynlegt að sækja um með rafrænum skilríkjum viðkomandi aðila. Sjá leiðbeiningar um innskráningu lögaðila og umboð
Hvernig er ferlið ef verkefni hlýtur styrk?
Ef stiklað er á stóru eru skrefin þessi:
- Ekki er gerður skriflegur samningur um verkefnin heldur samþykkir umsækjandi skilmála styrks í umsóknarferlinu.
- Rafræn úthlutunarhátíð fer fram.
- Vinnustofa styrkþegar verður haldin.
- Í kynningu verkefnisins skal stuðningi Sóknaráætlunar Norðurlands eystra ávallt getið. Almennt skal miða við að viðburðir eða verkefni styrkt úr Sóknaráætlun séu auglýst á öllu starfssvæði SSNE. Hér má sækja merki Sóknaráætlunar Norðurlands eystra.
- Styrkþegi skilar framvinduskýrslu samkvæmt samkomulagi í samningi.
- Styrkþegi skilar lokaskýrslu þegar verkefni er lokið.
Athugið að allar beiðnir og breytingar þurfa að berast starfsfólki SSNE.
Leiðbeiningar og hjálpartól
- Hér má nálgast sýnishorn af umsóknargáttinni (pdf)
- Hér má nálgast word útgáfu af umsókninni
- Hér má nálgast SSNEXCEL - Verk- og kostnaðaráætlun
og hér má nálgast SSNEXCEL skjalið með dæmi - Hér má nálgast kynningu með leiðbeiningum (ppt)
- Hér má nálgast upptöku af kynningarfundi fyrir umsækjendur.
Hér má nálgast glærur frá kynningarfundi fyrir umsækjendur.
Ráðgjöf Uppbyggingarsjóðs - þarftu aðstoð?
Allt starfsfólk SSNE veitir ráðgjöf í tengslum við verkefni í Uppbyggingarsjóð. Þú getur pantað hjá þeim fjar- eða staðfundi.
Umsjónaraðilar Uppbyggingarsjóðs eru Ari Páll og Díana og er hægt að hafa samband við þau:
- Húsavík Ari Páll Pálsson | aripall@ssne.is sími: 464-5412
- Akureyri: Díana Jóhannsdóttir | diana@ssne.is sími: 464-5405
