Öxarfjörður í sókn
Byggðarlagið við Öxarfjörð liggur frá vestanverðri Melrakkasléttu til og með Kelduhverfi.
Öxarfjarðarhérað var tekið inn í verkefnið Brothættar byggðir í enda árs 2015 og formlega sett á laggirnar með íbúaþingi þriðju helgina í janúar 2016 og hlaut verkefnið þá nafnið Öxarfjörður í sókn. Upphaflega átti verkefnið að vara til ársloka 2019, en það ár samþykkti Byggðastofnun að framlengja verkefnið til ársloka 2020.
Hófst verkefnið með afar vel sóttu íbúaþingi í janúar 2016. Alls voru 19 málaflokkar til umræðu á íbúaþinginu. Þar vó þyngst umræða um raforku, ljósleiðara og útvarpssendingar, en nánast jafn hátt skoraði umræða um grunnstoðir sveitarfélagsins og þjónustu. Í þriðja sæti voru ferðamál, enda brýnt að nýta tækifæri ferðaþjónustu sem allra best á svæðinu. Segja má að í stuttu máli hafi niðurstaðan verið sú, að til að efla byggð við Öxarfjörð, yrði að byggja á sérstöðu svæðisins, nýta sóknarfæri sem felast m.a. í matvælavinnslu, ferðaþjónustu og jarðhita sem og að standa vörð um grunnþjónustuna.
Meginmarkmið verkefnisins sem unnið er eftir:
- Framsækni í matvælaframleiðslu
- Framandi áfangastaður
- Uppbyggilegt samfélag
- Öflugir innviðir
Árið 2025 valdi Byggðastofnun verkefnin „Raufarhöfn og framtíðin" og „Öxarfjörður" í sókn til að taka þátt í nýju tilraunaverkefni til þriggja ára sem má líta á sem nokkurskonar framhald af verkefninu Brothættar byggðir sem byggðalögin tóku bæði þátt í fyrir nokkrum árum. Áhugasömum aðilum er bent á Facbook síðu verkefnisins, þar má jafnan fylgjast með því sem er að gerast í samfélögunum.
Á vef Byggðastofnunar má sjá allar frekari upplýsingar.
Hvað er frumkvæðissjóður?
Veittir eru verkefnastyrkir og stuðningur á vegum Brothættra byggða til þróunarverkefna og annarra samfélagseflandi verkefna.
Verkefni þurfa að styðja við markmið og framtíðarsýn í verkefninu Brothættar byggðir í viðkomandi byggðarlagi.
Styrkhæf verkefni eru rannsóknar-, þróunar- og nýsköpunarverkefni þar sem markvisst er stefnt að markaðssetningu nýrrar eða endurbættrar vöru eða þjónustu. Einnig er heimilt að styrkja stofnfjárfestingu í hvers konar verkefnum að því gefnu að þau raski ekki samkeppni á viðkomandi þjónustusóknarsvæði. Enn fremur samfélagseflandi verkefni önnur en þau sem teljast til lögbundinna og/eða hefðbundinna verkefna ríkis eða sveitarfélaga.
Ekki er krafist mótframlags frá umsækjanda en það styrkir umsókn ef verkefnið laðar fram fjármuni og krafta aðstandenda verkefnisins og annarra samstarfsaðila og/eða leiðir til samstarfs aðila sem að jafnaði starfa ekki saman.
Hvaða verkefni eru styrkhæf?
Styrkir eru veittir í eftirfarandi flokkum:
- Verkefna- og stofnstyrkir á sviði atvinnu- og nýsköpunar.
- Verkefnastyrkir á sviði samfélagseflingar.
Umsækjendum er bent á að kynna sér vel eftirfarandi og styrkja þannig umsóknir sínar:
Hvernig er umsóknarferlið?
- Umsóknir skulu berast til verkefnisstjóra gegnum netfangið nanna@ssne.is
- Umsóknareyðublað má finna hér
- Umsóknarfrestur er til 5. maí 2025 kl. 16:00 - athugið að umsóknir sem skila sér eftir auglýstan tíma koma ekki til skoðunar.
Einar Ingi Einarsson einar@nordurthing.is og Nanna Steina Höskuldsdóttir nanna@ssne.is starfa sem verkefnisstjórar á svæðinu í heild, bjóða þau upp á viðtalstíma og ráðgjöf varðandi umsóknarskrif eða hugmyndavinnu.
Verkefnisstjóri
Einar Ingi Einarsson er verkefnisstjóri starfandi á Kópaskeri.
Tengiliðaupplýsingar eru eftirfarandi:einar@nordurthing.is sími 464-6117
Verkefnisstjórn 2025
Guðmundur Baldvin Guðmundsson, fulltrúi Norðurþings og formaður verkefnisstjórnar
Olga Friðriksdóttir, fulltrúi íbúa Raufarhafnar
Ólafur Gísli Agnarsson, fulltrúi íbúa Raufarhafnar
Charlotta V. Englund, fulltrúi íbúa Öxarfjarðarhéraðs
Thomas Helmig, fulltrúi íbúa Öxarfjarðarhéraðs
Hildur Halldórsdóttir, fulltrúi SSNE
Helga Harðardóttir, fulltrúi Byggðastofnunar
Kristján Þ. Halldórsson, fulltrúi Byggðastofnunar
Ársskýrslur
Öxarfjörður í sókn - ársskýrsla 2020