Fréttasafn

Miðvikudaginn 30. ágúst kl. 12:00 verður boðið upp á rafrænan kynningarfund, þar sem Sigurður Óli Sigurðsson sviðsstjóri Rannsókna- og nýsköpunarsviðs Rannís kynnir fyrir okkur Tækniþróunarsjóð. Meðal þess sem farið verður yfir er: • Ólíkir styrkjaflokkar Tækniþróunarsjóðs • Skattfrádráttur vegna þjónustu erlendra sérfræðinga • Skattfrádráttur sem sækja má um vegna kostnaðar við rannsókna- og þróunarverkefni

Meðal þess sem farið verður yfir er: -> Ólíkir styrkjaflokkar Tækniþróunarsjóðs -> Skattfrádráttur vegna þjónustu erlendra sérfræðinga -> Skattfrádráttur sem sækja má um vegna kostnaðar við rannsókna- og þróunarverkefni

Opnað verður fyrir umsóknir í Uppbyggingarsjóð 13. september n.k. og er umsóknarfrestur kl. 12:00 þann 18. október.

Opnað hefur verið fyrir umsóknir í hraðalinn STARTUP STORM - Vaxtarrými fyrir norðlenska sprota. Startup Stormur er sjö vikna hraðall fyrir græn verkefni þar sem þátttakendur fá tækifæri til að efla sig og sín fyrirtæki og vaxa með vindinn í bakið.

Starfshópur á vegum umhverfis-, orku- og loftslagsráðherra sótti Langanesbyggð heim og fundaði með íbúum og öðrum hagsmunaaðilum. Starfshópnum er falið það hlutverk að vinna tillögur til ráðherra um framgang mála á Langanesi, sem heyra undir málefnasvið ráðuneytisins, með það að markmiði að efla samfélagið.

Menningararfi Langanesstrandar var svo sannarlega gert hátt undir höfði þetta síðsumar með fimm kvölda tónleikaröð sem bar nafnið 'Stofutónleikar á Bjarmalandi'. Tilgangur verkefnisins, að sögn Bakkfirðingsins Hilmu Steinarsdóttur, var að eiga saman notalega stund og hlusta á falleg lög og túlkun á kvæðum Kristjáns frá Djúpalæk, minnast hans og fólksins sem bjó á Djúpalæk og á Bjarmalandi, og vekja athygli á þessu svæði, Langanesströnd við Bakkafjörð. Bjarmaland stendur við hliðina á Djúpalæk á Langanesströnd, þar sem Kristján fæddist og ólst upp, bærinn sem hann kenndi sig við alla tíð. Stórfjölskylda Kristjáns á þarna afdrap enn í dag og óhætt að segja að andi hans hafi verið með þeim tónleikagestum sem lögðu leið sína í gömlu stofuna á Bjarmalandi. Tónlistarfólkið Kristín og Jonni fluttu frumsamin lög við valin kvæði Kristjáns, af stakri virðingu fyrir verkum hans og þeim tilfinningum og þeirri mannúð sem fram kemur í kvæðunum. Að sögn skipuleggjenda mættu yfir hundrað gestir í það heila og kom fólk alls staðar að úr landshlutanum til að minnast skáldsins með þessum hætti. Að tónleikum loknum bauð Hilma gestum upp á kaffi og með því að íslenskum sveitasið. Verkefnið hlaut styrk frá Betri Bakkafirði og verður vonandi framhald á í einhverri mynd, enda af nógu að taka þegar kemur að skáldum og þeim ljóðarfi sem á rætur sínar í svæðið.

Eitt af áhersluverkefnum Sóknaráætlunar er verkefnið Auknar fjárfestingar á Norðurlandi eystra, sem hefur það markmið að laða að fjárfestingar í landshlutann og þar með fjölga atvinnuskapandi verkefnum í sem flestum sveitarfélögum á svæðinu.

Íslensk nýorka, Eimur, Samtök sveitarfélaga og atvinnuþróunar á Norðurlandi eystra og Vestfjarðastofa standa fyrir sameiginlegum viðburði þann 29. ágúst n.k. kl. 13:00.

Um 908 milljónum króna verður úthlutað úr Landsáætlun um uppbyggingu innviða á þessu ári, þar af aðeins 8% til Norðurlands eystra.

Þyrlan sem staðsett er á Akureyri hefur sinnt fimm útköllum yfir helgina, nokkur vegna alvarlegra slysa.