Styrkir eru veittir til bókaútgefenda til þýðinga, dreifingar og kynningar á evrópskum bókmenntum. Öll tungumál eru gild (IOS). Skilyrði er að höfundaverk séu frá þátttökulöndum Creative Europe. Stefnt er að stuðningi við minnst 40 verkefni. Einstök félög geta sótt um eða í félagi við aðra bókaútgefendur.

Upphæðir styrkja:

• Þýðingar á minnst 5 verkum, hægt að sækja um allt að 100.000 evrur
• Þýðingar á minnst 11 verkum, hægt að sækja um allt að 200.000 evrur
• Þýðingar á minnst 21 verki, hægt að sækja um allt 300.000 evrur

Styrkframlag er 60% og lengd verkefna allt að 3 ár.

Markmið:

• Kynna fjölbreytta flóru bókmennta frá öðrum málsvæðum.
• Styðja við þýðendur og þeirra framlag.
• Styrkja dreifingu og kynningu til að tryggja gott aðgengi að evrópskum bókmenntaverkum og stækka lesendahópinn.
• Hvetja til samvinnu mismunandi aðilja, höfunda, þýðenda, útgefenda, bóksala, bókasafna, bókmenntahátíða o.fl.

Nánari upplýsingar um styrk má finna hér.
Nánari upplýsingar veitir Ragnhildur Zoëga sérfræðingur á mennta- og menningarsviði Rannís. 

Jafnframt er hægt að panta ráðgjöf hjá starfsfólki SSNE við hugmyndaþróun og umsóknarskrif.