Fólk í ferðaþjónustu á Norðurlandi er boðið velkomið á fund um stafræna markaðssetningu og hagnýtingu gervigreindar í ferðaþjónustu 9. apríl á Húsavík. Að fundinum standa Hæfnisetur ferðaþjónustunnar, Markaðsstofa Norðurlands og Samtök ferðaþjónustunnar í samstarfi við símenntunarmiðstöðvar og Samtök sveitarfélaga á Norðurlandi.

Skráning á fundinn er hér

Miðvikudaginn 9. apríl á Fosshótel Húsavík kl. 11:00 - 14:00

Í heimi þar sem tækniþróun er hraðari en nokkru sinni fyrr, er nauðsynlegt fyrir fyrirtæki í ferðaþjónustu að tileinka sér stafrænar lausnir til að halda í við samkeppnina og mæta væntingum viðskiptavina. Stafræn markaðssetning og gervigreind eru lykilþættir sem geta hjálpað fyrirtækjum að ná betri árangri, auka sýnileika og bæta þjónustu við viðskiptavini.

Dagskrá fundarins:

• Með nýjan starfsmann í vasanum
  • Þóranna Kristín Jónsdóttir, Markaðsráðgjafi og AI leiðbeinandi

• Snjöll ferðaþjónusta - Ferðapúlsinn og aðrar stafrænar lausnir frá Hæfnisetri ferðaþjónustunnar
  • Ólína Laxdal og Sólveig Nikulásdóttir, sérfræðingar hjá Hæfnisetri ferðaþjónustunnar

• Stafræna heimilisfangið - Mikilvægi vefsíðu fyrirtækisins og samspil við samfélagsmiðla
  • Rögnvaldur Már Helgason, verkefnastjóri upplýsingaþjónustu, útgáfu og almannatengsla hjá Markaðsstofu Norðurlands

• Stafræn markaðssetning - Að nýta stafræna þjónustu í raunveruleikanum
  • Baldvin Esra Einarsson, framkvæmdastjóri SagaTravel
• Létt hádegishressing og spjall

• Gervigreind í ferðaþjónustu - Hvað er að virka og hvað ekki?
  • Tryggvi Freyr Elínarson, þróunarstjóri og sérfræðingur tæknilausna hjá Datera

• Kynning hugbúnaðarlausna fyrir ferðaþjónustu
  • Keeps – Content Management System - Hvernig getum við selt meira með notkun myndefnis og upplýsinga?
    • Guðrún Hildur Ragnarsdóttir, framkvæmdastjóri Keeps ehf. – Content Management System
  • Liva bókunarlausn - Er bókunarkerfi þitt að vinna með þér eða gegn þér?
    • Kristján Aðalsteinsson, ráðgjafi hjá Hugbúnaðarlausnum Advania

Fundarstjóri er Sigurborg Ósk Haraldsdóttir, verkefnastjóri Samtaka sveitarfélaga og atvinnuþróunar á Norðurlandi eystra.

Fundurinn er opinn öllum og aðgangur er frír.