Sjóðurinn styður verkefni sem hafa breiða samfélagslega skírskotun og leggur sérstaka áherslu á verkefni sem hafa jákvæð áhrif á nærsamfélög fyrirtækisins. Tekið er á móti umsóknum allt árið en úthlutað er úr sjóðnum þrisvar á ári. Umsóknarfrestur er til 31. mars, 31. júlí og 30. nóvember ár hvert.

Samfélagssjóður úthlutar að hámarki 12 milljónum króna í þremur úthlutunum. Að jafnaði eru styrkir á bilinu 100 til 500 þúsund og aldrei hærri en ein milljón króna. 

• Styrkir eru veittir einstaklingum, hópum, sjálfseignarstofnunum og frjálsum félagasamtökum sem ekki eru rekin í hagnaðarskyni
• Sjóðurinn veitir styrki til skilgreindra verkefna og atburða
• Sjóðurinn veitir ekki rekstrarstyrki

Verkefni sem koma einkum til greina:

• Verkefni á sviði umhverfis-, náttúru- og auðlindamála
• Listir, menning og menntun
• Forvarnar- og æskulýðsstarf
• Heilsa og hreyfing

Verkefni sem alla jafna koma ekki til greina eru:

• Rannsóknir og vísindi (Orkurannsóknasjóður veitir styrki til námsfólks og rannsóknarverkefna á vegum háskóla, stofnana, fyrirtækja og einstaklinga)
• Almenn útgáfa, svo sem bóka, geisladiska og kvikmynda
• Námsstyrkir
• Utanlandsferðir

Almennar fyrirspurnir samfelagssjodur@landsvirkjun.is

Umsóknir berist hér.