Taktu daginn frá! Málþing VELTEK í HOFI

Samþætting heilbrigðis- og velferðarþjónustu, sjálfbær þjónusta, sjálfstæðir notendur.

Heilbrigðis- og velferðartækniklasi Norðurlands (Veltek) mun halda málþing um nýjar nálganir í þjónustu við íbúa. Flutt verða m.a. erindi um stafræn umskipti innan heilbrigðis- og velferðarþjónustu í dreifðum byggðum, samvinnu á norðurslóðum og rannsóknir á þjónustulausnum verða kynntar. Í tengslum við málþingið munu fyrirtæki kynna þjónustulausnir sínar.