Opnað verður fyrir umsóknir í Lóu og er umsóknarfrestur til 4. apríl 2024.

Hlutverk styrkjanna:

• Auka við nýsköpun á landsbyggðinni og styðja við eflingu byggða og landshluta með nýskapandi verkefnum.
• Styðja við atvinnulíf og verðmætasköpun sem byggir á hugviti, þekkingu og nýrri færni.
• Stuðla að uppbyggingu vistkerfis fyrir nýsköpunarstarfsemi og frumkvöðla starf á forsendum svæðanna.

Um styrkina:

• Styrkjunum er úthlutað til nýsköpunarverkefna utan höfuðborgarsvæðisins.
• Styrkjum er úthlutað til árs í senn, hvert verkefni getur hlotið að hámarki 20% af heildarúthlutun hvers árs.
• Mótframlag frá umsækjanda þarf að lágmarki að vera 30%.
• Matshópur metur umsóknir í samræmi við nýsköpunarstefnu og áherslur stjórnvalda.
• Umsóknir berist rafrænt á minarsidur.hvin.is.

Lóu nýsköpunarstyrkir eru ætlaðir verkefnum sem komin eru af byrjunarstigi.

Við mat á nýnæmi verkefna er stuðst við skilgreiningu OECD um nýsköpun. Nýsköpun er skilgreind sem innleiðing nýrrar eða mjög endurbættrar vöru, þjónustu eða ferils, nýrrar aðferðar til markaðssetningar eða nýrrar skipulagsaðferðar í viðskiptaháttum, skipulagi á vinnustað eða ytri samskiptum.

Heildarfjárhæð Lóu árið 2024 er 150 milljónir króna.

https://www.stjornarradid.is/verkefni/atvinnuvegir/nyskopun/loa-nyskopunarstyrkir-fyrir-landsbyggdina/