Í gær, 15.september, var 566,6 m.kr. úthlutað úr Matvælasjóði og voru það alls 64 verkefni sem hlutu styrk að þessu sinni.   Hlutverk sjóðsins er að styrkja þróun og nýsköpun við framleiðslu og vinnslu matvæla úr landbúnaðar- og sjávarafurðum.  Sjóðnum bárust 273 umsóknir að þessu sinni en þetta var í annað sinn sem úthlutað var úr sjóðnum. 

Verkefni á Norðurlandi eystra fengu veglega styrki. 

Hægt er að nálgast frekari upplýsingar um úthlutunina vef ráðuneytisins.

Við hvetjum alla sem fengu ekki styrk að þessu sinni til að vinna áfram í sínum hugmyndum en næsta úthlutun er áætluð á vormánuðum 2022 og mun SSNE veita öllum fría ráðgjöf sem til okkar leita vegna styrkumsóknarskrifa.