Í gær kynnti Þórdís Kolbrún Reykfjörð Gylfadóttir hvaða 29 verkefni fengu úthlutað úr Lóu – styrk til nýsköpunarverkefna á landsbyggðinni. Hlutverk styrkjanna er að styrkja við nýsköpun, eflingu atvinnulífs og verðmætasköpun sem byggir á hugviti, þekkingu og nýrri færni á forsendum svæðanna sjálfra. Alls var úthlutað 147 milljónum.

„Fjöldi umsókna um styrki úr Lóu fór fram úr okkar björtustu vonum, en gefur jafnframt hátt og skýrt til kynna hversu mikil gróska er í nýsköpunarverkefnum um allt land. Það er nauðsynlegt að styðja við þennan slagkraft og það er gott að geta greint frá því að Lóa er komin til að vera næstu ár. Ég óska styrkþegum til hamingju og hlakka til að sjá verkefnin vaxa og dafna,“ segir Þórdís Kolbrún.

7 verkefni á Norðurlandi eystra hlutu styrk að upphæð 39,5 milljónir kr.

SSNE óskar þessum verkefnum innilega til hamingju með styrkinn.

Allar nánari upplýsingar má sjá hér