Í tilefni þess að 30 ár eru síðan að samningur um Evrópska efnahagssvæðisins (EES) tók gildi, og veitti Íslandi aðgang að auknum tækifærum til samstarfs í Evrópu, mun Evrópurútan fara hringinn um landið í september þar sem vakin verður athygli á árangri af Evrópuverkefnum í heimabyggð og tækifærum til framtíðar í alþjóðasamstarfi.

Evrópurútan mun stoppa á tveimur stöðum í okkar landhluta og bjóða íbúum til fundar og samtals um tækfæri í heimabyggð til alþjóðasamstarfs í gegnum fjölmargar samstarfsáætlanir Evrópusambandins.

• Þriðjudaginn 17. september kl. 16:00-18:00 í Hömrum, Menningarhúsinu Hofi, Akureyri
• Mánudaginn 23. september kl. 15:30-17:00 á Holtinu á Þórshöfn, Langanesbyggð

Meirihluti tímans verður ráðstafað í samtöl í smærri hópum þar sem gestir fá tækifæri til að fræðast um tilteknar áætlanir sem þeir hafa áhuga á.

Dagskráin er eftirfarandi:
• Stutt almenn kynning
• Verkefni úr heimabyggð kynnt, einhver sem hefur farið í gegnum umsóknarferlið
• Samtal í smærri hópum um tækifæri og styrki (Starfsfólk Rannís skiptir sér niður á svæðinu og býður áhugasöm í nánara samtal)

Evrópurútan er skipulögð af Rannís sem hefur umsjón með öllum helstu samstarfsáætlunum á sviði menntunar, menningar, vísinda og fyrirtækjasamstarfs og mun á hringferð sinni um landið veita upplýsingar um:

• Erasmus+
• Horizon Europe
• Creative Europe
• European Solidary Corps
• Enterprise Europe Network
• Digital Europe
• LIFE
• Nordplus

Við hvetjum öll til að mæta og kynna sér tækifæri til alþjóðasamstarfs til framtíðar fyrir sína heimabyggð.

Óskað er eftir skráningu á viðburðina fyrir áætlun veitinga á hverjum stað fyrir sig.

Hlekkur á skráningu: https://forms.office.com/e/mAgTA5tQkH

Nánar má lesa um viðburðaröðina á:https://www.rannis.is/vidburdir/evropusamvinna/evropurutan/