Skógarkolefni er verkefni sem Skógræktin hefur hrundið af stað til að koma á fót viðurkenndu ferli vottunar á bindingu kolefnis með nýskógrækt. Hingað til hafa margir farið í skógræktarverkefni og binda þar með kolefni en þegar kom að grænu bókhaldi taldist þessi binding ekki tæk þar sem á hana vantaði vottun. Starfsfólk SSNE hvetur aðila til að setja sig í samband við Skógræktina til að skoða enn frekar möguleikana sem felast í þessu verkefni. 

Markmið Skógarkolefnis eru:

• draga úr áhrifum loftslagsbreytinga með því að binda kolefni

• bjóða landeigendum upp á nýja kosti til að fjármagna skógrækt

• bjóða fyrirtækjum og einstaklingum upp á nýjan kost til að kolefnisjafna sig

• efla skógrækt á Íslandi með öllum þeim kostum sem henni fylgja

Skógarkolefni tryggir:

• raunverulega kolefnisbindingu með nýskógrækt

• viðbót við fyrri kolefnisbindingu

• mælda og staðfesta kolefnisbindingu

• skilgreindan varanleika kolefnisbindingar

• vottaða kolefnisbindingu

• umhverfis- og samfélagslega ábyrgð

Frekari upplýsingar er að finna hér.