Í gær skrifuðu Guðmundur Ingi Guðbrandsson, umhverfis- og auðlindaráðherra og Hilda Jana Gísladóttir, formaður SSNE undir samning um greiningu tækifæra og áhrif friðlýstra svæða á nærsvæði þeirra.
Verkefnið tengist Nýsköpun í norðri, sem er hluti af metnaðarfullum og framsýnum sameiningarviðræðum Skútustaðahrepps og Þingeyjarsveitar. Sveitarstjórnir sveitarfélaganna hafa sett sér markmið um að nýtt sveitarfélag verði þekkt og eftirsótt fyrir frábært mannlíf og einstaka náttúru.