** UPPFÆRT - FRESTUR TIL AÐ SÆKJA UM STYRKI Í LÓUNA HEFUR VERIÐ LENGDUR TIL OG MEÐ 22. MARS **

Í gær, 11.febrúar, opnaði fyrir umsóknir í nýjan sjóð Atvinnuvega- og nýsköpunarráðuneytisins.   Stofnun sjóðsins, sem fengið hefur nafnið Lóa, er liður ráðuneytisins í að styðja við nýsköpun á landsbyggðinni vegna fyrirhugaðrar niðurlagningar Nýsköpunarmiðstöðvar Íslands.  Heildarfjárhæð sem úthlutað verður 2021 er 100 milljónir króna og er hámarksstyrkur hvers verkefnis 20 milljónir króna.  Úthlutað er til 1 árs í senn og skulu verkefnin miða við það.  

Hlutverk styrkjanna:

• Auka við nýsköpun á landsbyggðinni
• Styðja við atvinnulíf og verðmætasköpun sem byggir á hugviti, þekkingu og nýrri færni 
•  Stuðla að uppbyggingu vistkerfis fyrir nýsköpunarstarfsemi og frumkvöðlastarf á forsendum einstakra svæða á landsbyggðinni

Umsóknarfrestur er til 22. mars 2021 og skal umsóknum skilað rafrænt á eyðublaðavef stjórnarráðsins.
Hér er hægt að nálgast reglur sjóðsins.  

Hægt er að bóka ráðgjöf hjá atvinnuráðgjöfum SSNE sem geta aðstoðað við umsóknarskrif.