Nýtt starf: Verkefnastjóri farsældar á Norðurlandi eystra
Skrifað
16.09.2024
Flokkur:
Fréttir
Umhverfismál
Uppbyggingarsjóður
Atvinnuþróun og ráðgjöf
Menningarmál
Sóknaráætlun
Nýtt starf: Verkefnastjóri farsældar á Norðurlandi eystra
Leitað er að öflugum verkefnastjóra farsældar á Norðurlandi eystra. Verkefnið er samstarf SSNE og mennta- og barnamálaráðuneytisins. Um fullt starf er að ræða og er ráðið tímabundið til tveggja ára.
Helstu verkefni og ábyrgð
- Virkt samráð við sveitarfélögin á Norðurlandi eystra og alla þjónustuveitendur farsældar á svæðinu með það fyrir augum að koma á svæðisbundnu farsældarráði.
- Móta verkferla og verkáætlun fyrir verkefnið með það að markmiði að fyrir lok tímabilsins hafi svæðisbundið farsældarráð tekið til starfa og unnin hafi verið fyrsta áætlun um svæðisbundna forgangsröðun aðgerða um farsæld barna til fjögurra ára.
- Halda utan um störf svæðisbundins farsældarráðs, boða fundi þess og bera ábyrgð á frágangi og skilum á afurð þess til allra sveitarstjórna í landshlutanum.
- Hafa yfirsýn yfir þjónustu er varðar börn í hverju sveitarfélagi með kortlagningu þeirrar starfsemi er þau varðar.
- Vera tengiliður SSNE við samráðsvettvanginn Öruggara Norðurland eystra.
- Taka þátt í mótun tengslanets farsældarmála milli landshlutasamtaka sveitarfélaga.
- Vinna önnur þau verkefni sem framkvæmdastjóri SSNE felur viðkomandi og falla að tilgangi verkefnisins.
Menntunar- og hæfniskröfur
- Háskólamenntun sem nýtist í starfi í samræmi við verkefnalýsingu.
- Viðbótarnám í greinum tengdum farsældarmálum kostur.
- Starfsreynsla á sviði félags-, skóla- og/eða barnaþjónustu.
- Reynsla af verkefnastjórnun æskileg.
- Lausnamiðuð hugsun og sjálfstæð vinnubrögð.
- Hæfni í mannlegum samskiptum.
Hægt er að sækja um starfið hér.