Málþing um styrkjaumhverfi listasafna
Skrifað
18.11.2024
Flokkur:
Fréttir
Uppbyggingarsjóður
Menningarmál
Sóknaráætlun
Opið málþing 21. nóvember
Málþing um styrkjaumhverfi listasafna
Fyrir hönd landshlutasamtaka mun Sigursteinn Sigurðsson menningarfulltrúi Samtaka sveitarfélaga á Vesturlandi vera með erindi á málþingi um styrkjaumhverfi listasafna sem Samtök listasafna á Íslandi standa að. Lilja Dögg Alfreðsdóttir ráðherra Menningar- og viðskiptaráðuneytisins opnar þingið.
Landshlutasamtök halda utan um uppbyggingarsjóði um land allt, en þeir hafa verið partur af styrkja- og starfsumhverfi íslenskra listasafna og listafólks, í takt við áherslur Sóknaráætlanna í hverjum landshluta fyrir sig. Í öllum landshlutum fer nú fram vinna við mótun nýrra Sóknaráætlana sem munu gilda 2025-2029.
Landshlutasamtök halda utan um uppbyggingarsjóði um land allt, en þeir hafa verið partur af styrkja- og starfsumhverfi íslenskra listasafna og listafólks, í takt við áherslur Sóknaráætlanna í hverjum landshluta fyrir sig. Í öllum landshlutum fer nú fram vinna við mótun nýrra Sóknaráætlana sem munu gilda 2025-2029.
Markmið málþingsins er að draga fram mynd af þeim innlendu samkeppnissjóðum sem söfnin og þeirra helstu samstarfsaðilar geta sótt í og skoða með hliðsjón af starfsumhverfinu, helstu skyldum safna og sérstæði einstakra safna – en söfnin eru jafn ólík og þau eru mörg. Skoðað verður hvort og hvernig markmið safnanna fara saman eða skarast á við markmið þeirra sjóða sem sótt er í og rýnt í þá grunnþætti sem oft reynist erfitt að fjármagna.
Málþingið er öllum opið, nánari upplýsingar má finna á facebook viðburði málþingsins.
Stefnumótun á Norðurlandi eystra og hagræn áhrif menningar og skapandi greina:
Stefnumótun á Norðurlandi eystra og hagræn áhrif menningar og skapandi greina:
- Í nýútkominni skýrslu um framlag menningar og skapandi greina til verðmætasköpunar á Íslandi er farið yfir ýmsar forsendur og hagræn áhrif menningar og skapandi greina. Hægt er að kynna sér helstu atriði hennar hér.
- Á Norðurlandi eystra eru drög að nýrri Sóknaráætlun nú í samráðsgátt. Sóknaráætlun er grundvöllur vinnu landshlutasamtakanna næstu fimm árin. Stefnan hefur áhrif á ákvörðun um val á áhersluverkefnum og úthlutun styrkja úr Uppbyggingarsjóði Sóknaráætlunar Norðurlands eystra.
--> Íbúar og aðrir hagaðilar eru hvattir til að kynna sér nýja Sóknaráætlun Norðurlands eystra í samráðsgáttinn.