Rafn Helgason, sérfræðingur hjá Umhverfisstofnun, mun halda námskeið  sem sérstaklega er miðað að kjörnum fulltrúum sveitarfélaga og starfsfólki sem fæst við umhverfis- og skipulagsmál. Námskeiðið er hluti af LOFTUM, áhersluverkefni SSNE, sem unnið er af SÍMEY og Þekkingarneti Þingeyinga og er sveitarfélögum að kostnaðarlausu að senda sitt fólk á það. Námskeiði fer fram á fimmtudaginn, 9. nóvember kl. 11:00-11:45 í gegnum Zoom. 

Á námskeiðinu mun Rafn fara á skarpan og skýran hátt yfir skuldbindingar og markmið Íslands í loftslagsmálum, hvar helstu áherslumál sveitarfélaga gætu legið í þeim efnum og helstu hugtök og áherslumál sem snerta losunarbókhald.

Skráning á námskeiðið fer fram í gegnum heimasíður Þekkingarnets Þingeyinga og heimasíðu SÍMEY.