Þann 11. janúar næstkomandi stendur Rannís í samvinnu við SSNE fyrir hádegisverðarfundi kl. 12:00 í Menningarhúsinu Hofi á Akureyri. Kynningum verður skipt eftir sviðum; menntasjóðir, æskulýðssjóðir, menningarsjóðir, rannsóknir og nýsköpun (Tækniþróunarsjóður og skattfrádráttur).

Kynntir verða sjóðir og innlendar, norrænar, evrópskar og alþjóðlegar styrkjaáætlanir í umsýslu Rannís, til dæmis Nordplus , Erasmus+ , Creative Europe , Tækniþróunarsjóður auk skattfrádráttar rannsókna- og þróunarverkefna.

Við hvetjum starfsfólk sveitarfélaga, skóla, fræðsluaðila, menningarstofnana, æskulýðsgeirann, listafólk, fyrirtæki, ungmenni og öll sem áhuga hafa á alþjóðasamstarfi að nýta tækifærið og kynna sér fjölþætta möguleika.

Sérfræðingar Rannís verða til taks eftir kynningarnar fyrir þau sem vilja ræða möguleikana á evrópsku/alþjóðlegu samstarfi nánar.

Hér má finna hlekk á facebook viðburð, endilega sendu boð á þá sem þú telur að gætu notið góðs af því að fá upplýsingar um styrkjatækifæri á sviði Rannís. 

Byrjað verður á súpu og almennri kynningu áætlana i Hamri kl. 12:00. Eftir það hefjast sértækari kynningar í Hamri, Setbergi og á svölum. Gott svigrúm verður gefið til spurninga, aðstoðar við umsóknir, þróun á hugmyndum og svo framvegis. Gert er ráð fyrir að viðburðinum ljúki eigi síðar en 15:00.

Skráning er nauðsynleg: https://forms.office.com/e/htiggUnxKs

Vinsamlegast takið tímann frá í dagatalinu ykkar. 

Skráningu lýkur kl. 16:00 degi fyrir viðburðinn.

Frétt var uppfærð 10.01.24