Díana Jóhannsdóttir hefur verið ráðin verkefnastjóri hjá SSNE. Hún tekur við starfinu af Rebekku Garðarsdóttur sem hvarf til annarra starfa í ágúst.

Díana er með B.S. gráðu í viðskiptafræði frá Háskólanum á Akureyri og M.Sc. í alþjóðlegri mannauðsstjórnun frá University of Portsmouth. Díana starfaði sem verkefnastjóri hjá Fjórðungssambandi Vestfirðinga frá árinu 2009 en frá árinu 2017 hefur hún verið sviðsstjóri atvinnusviðs Vestfjarðastofu. Í störfum sínum þar sinnti hún meðal annars verkefnum í tengslum við Sóknaráætlun Vestfjarða og markaðs- og kynningarmálum fyrir Vestfirði sem áfangastað ferðamanna.

Díana er fædd og uppalin á Akureyri og er því má segja að snúa aftur heim, en hún mun hefja störf í upphafi nýs árs.

Starf verkefnastjóra hjá SSNE var auglýst þann 23. september síðastliðinn og bárust 31 umsókn um starfið. Ráðningarferlið var unnið í samstarfi við ráðningaþjónustu Mögnum á Akureyri.