Á Norðurlandi eystra verður viðburðurinn haldinn í Holtseli í Eyjafirði af Fjólu Kim Björnsdóttur, Örnu Mjöll Guðmundsdóttur og Styrmi Frostasyni. SSNE eru samstarfsaðilar.

 

Gestir munu geta notið þess sem Holtsel hefur upp á að bjóða og kynnst heimavinnsluaðilum á lögbýlum á Norðurlandi eystra - sem eru félagsmenn í Beint frá býli, en þeir verða í Holtseli þennan dag til að kynna og selja vörur sínar og segja frá starfseminni.

Í boði verður afmæliskaka, kaffi og djús.
Ýmsar veitingar verða til sölu.

 

Opið verður inn í fjósið, hundurinn Spori tekur gestum fagnandi og hænurnar láta sig ekki vanta.

Hlökkum til að sjá sem flesta íbúa og aðra gesti og eiga góðan afmælisdag saman!