Nú á dögunum opnaði LOFTUM rafrænan skóla um umhverfis- og loftslagsmál fyrir starfsfólk og kjörna fulltrúa sveitarfélaga á Norðurlandi eystra.

LOFTUM skólinn er hluti af fræðsluáætlun fyrir starfsfólk og kjörna fulltrúa sveitarfélaga á Norðurlandi eystra. Skólinn er hluti af áhersluverkefni SSNE sem er unnið af Þekkingarneti Þingeyinga og SÍMEY - Símenntunarmiðstöð Eyjafjarðar. Efni LOFTUM skólans byggir á niðurstöðum fræðslugreiningar þar sem starfsfólk og kjörnir fulltrúar voru beðin um að leggja mat á eigin fræðsluþarfir í málefnum sem tengjast loftslags- og umhverfismálum.

Eftirfarandi málaflokkar voru hafðir til hliðsjónar þegar kom að fræðslugreiningunni og eru jafnframt hafðir til viðmiðunar við uppsetningu fræðslu.

• Ferðavenjur
• Orkumál
• Náttúruvernd
• Hringrásarhagkerfið
• Úrgangsmál
• Veitur
• Loftslagsmál
• Hollustuhættir og mengunarvarnir

LOFTUM skólinn er styrktur af Sóknaráætlun Norðurlands eystra og er því starfsfólki og kjörnum fulltrúum sveitarrfélaga innan SSNE að kostnaðarlausu.

Hægt er að skrá sig í skólann með því að smella hér.