Fyrir hverja?
Háskóla, opinberar rannsóknastofnanir og fyrirtæki.
Til hvers?
Fjármögnun kaupa á dýrum rannsóknatækjum, uppbyggingu rannsóknainnviða og aðgangs að rannsóknainnviðum.
Umsóknarfrestur
Umsóknarfrestur er einu sinni á ári.
Vegna beiðna frá vísindasamfélaginu hefur næsti umsóknarfrestur verið framlengdur um mánuð eða til 20. maí 2020 kl. 16:00.
- Opið fyrir umsóknir:
- Innskráning
- Leiðbeiningar
Upplýsingar um breytingar á sjóðnum
Frumvarp um breytingar á lögum nr. 3/2003 um opinberan stuðning við vísindarannsóknir var samþykkt á Alþingi í maí. Frumvarp þetta gerir ráð fyrir nokkrum breytingum á Innviðasjóði. Unnið að gerð vegvísis um rannsóknainnviði, sem mun verða stefnumarkandi fyrir úthlutun úr sjóðnum. Því má gera ráð fyrir að breytingar verði á umsóknarferli og úthlutun úr sjóðnum.
Hvert er markmiðið?
Hlutverk Innviðasjóðs er að byggja upp rannsóknainnviði á Íslandi. Markmiðið með sjóðnum er að efla innlendar vísindarannsóknir með því að skapa nýja möguleika til rannsókna með fjármögnun tækjabúnaðar/aðstöðu sem ekki er aðgengileg nú þegar.
Hverjir geta sótt um?
Starfsfólk háskóla, opinberra rannsóknastofnana og fyrirtækja.
Hvað er styrkt?
Innviðasjóður veitir styrki til kaupa á tækjum, gagnagrunnum og hugbúnaði og öðrum þeim búnaði sem telst mikilvægur fyrir framfarir í rannsóknum.
Innviðasjóður veitir eftirfarandi styrktegundir:
1. Tækjakaupastyrki
2. Uppbyggingarstyrki
3. Uppfærslustyrki
4. Aðgengisstyrki
Skilyrði úthlutunar
Gert er ráð fyrir að umsækjandi leggi til mótframlag að lágmarki 25%.
Framlag Innviðasjóðs skal að lágmarki vera 2 milljónir króna fyrir Tækjakaup, Uppbyggingu og Uppfærslu. Ekkert lágmark er á Aðgengisstyrk.
Vinsamlegast kynnið ykkur reglur Innviðasjóðs áður en sótt er um.
