Hraðið

Hraðið miðstöð nýsköpunar er staðsett í húsnæði Stéttarinnar á Húsavík. Þar er hægt að leigja skrifstofu eða kaupa aðgang að vinnuborði allt frá einum degi og upp í mánuði í senn. Því fylgir aðgengi að fundarýmum, næðisrýmum, setustofu, hljóðvarpsstúdíói og kaffistofu. Einnig þátttaka í suðupotti nýsköpunar á Húsavík og aðgengi að fullbúinni stafrænni smiðju eftir auglýstri dagskrá.

Í Hraðinu

• verður þú hluti af litríku samfélagi þar sem lögð er áhersla á að skapa skemmtilegt starfsumhverfi
• er tilvalin aðstaða fyrir óstaðbundin störf
• færðu aðgengi að stafrænni smiðju (FabLab Húsavík)
• eru reglulega haldnir metnaðarfullir viðburðir og fræðsla
• er aðstaða fyrir vinnustofur og skapandi verkefni
• er notaleg aðstaða við kamínu þar sem starfsfólk getur hist og rætt málin
• færðu aðgang að þekkingarklasanum á Stéttinni þar sem starfsfólk rannsóknastofnana, stoðkerfis atvinnulífsins, háskóla og annarra fræðslustofnana vinnur að verkefnum í lifandi og skapandi samfélagi við sjávarsíðuna á Húsavík
• getur þú drukkið eins mikið kaffi og þig lystir!