Úthlutunarnefnd - 5. fundur

Uppbyggingarsjóður Norðurlands eystra

Úthlutunarnefnd

5. fundur

Árið 2016, mánudaginn 9. maí kl. 16:00, kom úthlutunarnefnd Uppbyggingarsjóðs Sóknaráætlunar Norðurlands eystra saman til fundar að Hafnarstræti 91. Mætt voru: Eva Hrund Einarsdóttir formaður,  Arnór Benónýsson, Sigurður Steingrímsson. Hulda Sif Hermannsdóttir og Birna Björnsdóttir í síma. Einnig var mætt Ragnheiður Jóna Ingimarsdóttir menningarfulltrúi sem ritaði fundargerð.

Formaður Eva Hrund Einarsdóttir bauð fundarmenn velkomna og fór yfir starfshætti úthlutunarnefndar og verklagsreglur uppbyggingarsjóðs síðan var gengið til dagskrár.

1. Fjárhagsrammi og vanhæfi.

Fjárhagsrammi atvinnuþróunar- og nýsköpunarhluta uppbyggingarsjóðs markast af ákvörðun stjórnar Eyþings. Árið 2016 hefur atvinnuþróunar og nýsköpunarhluti uppbyggingarsjóðs 42.750 þúsund kr. til úthlutunar. Við þessa upphæð bætast niðurfelldir og lækkaðir styrkir frá árinu 2015 að upphæð 4.425 þúsund kr.  Sem skiptast á eftir farandi hátt milli svæða.  Austursvæði kr. 22.925 þúsund kr.  Eyjafjörður 24.250 þúsund kr.

Uppbyggingarsjóði bárust  58 umsóknir í atvinnuþróunar og nýsköpunarhluta sjóðsins. Samtals sótt um upphæð 126.795.666 kr.

Á fundum dagana 17. apríl , og 3. maí fór fagráðið ítarlega yfir allar umsóknir og lagði til grundvallar, samning um sóknaráætlun Norðurlands eystra 2015-2019, verklagsreglur Uppbyggingarsjóðs 2016 og matsblað.  

Um vanhæfi:

Arnór kvaðst vanhæfur í umsóknum nr:  Þ-16002, Þ-16012 og Þ-16019

Birna Björnsdóttir kvaðst vanhæf í umsókn nr:  Þ-16015 og Þ-16016

Sigurður Steingrímsson kvaðst vanhæfur í umsókn nr: Þ-16013

Viku fundarmenn af fundi undir afgreiðslu þessara umsókna.

2.  Tillaga fagráðs atvinnuþróunar og nýsköpunar.

Formaður fagráðs atvinnuþróunar og nýsköpunar, Sigurður Steingrímsson, fór yfir verklag sem var viðhaft við vinnu fagráðs við mat á umsóknum.   Farið var  yfir rök fyrir höfnun umsókna. Tillaga að styrkvilyrðum fagráðs var kynnt í kjölfarið, lagt var til að styrkja 20 verkefni að upphæð kr. 30.920 þúsund kr., þar af á austursvæði níu verkefni að upphæð 13.470 þúsund kr. og Eyjafirði 11 verkefni að upphæð 17.450 þúsund kr.  Nokkrar umræður urðu um tillöguna sem var samþykkt samhljóða.

 

 

Eftirtalin verkefni hljóta styrk úr atvinnuþróunar og nýsköpunarhluta Uppbyggingarsjóðs Norðurlands eystra 2016.

Nr.	Heiti verkefnis	Umsækjandi	Úthlutað
E-16001	Upgrade of Therapy in Sak	Afe / Dojo Software	3.500.000
E-16002	Fuglastígur um Eyjafjörð	Akureyrarstofa	700.000
E-16005	Norðurljósahús á Norðurlandi	Andrea Hlín Guðnadóttir ofl.	1.500.000
E-16010	Skíði Skis	Dagur Óskarsson	1.000.000
E-16012	Myndgreining Akureyrar	Elvar Örn Birgisson f.h. óstofnaðs ehf	1.700.000
E-16014	Afþreyingargarður  miðalda á Gásum	Gásakaupstaður ses	800.000
E-16016	Plastolía sem íblendiefni	GPO ehf	2.000.000
E-16020	Hulinn heimur hafsins	Hjalteyri ehf. f.h. óstofnaðs ehf	2.000.000
E-16022	Fucoidans: sykrur sjávar	Jóhann Örlygsson	1.500.000
E-16026	Molta - Afurðir	Molta ehf	750.000
E-16036	FEST Klínískur lyfjagagnagrunnur	Þula - Norrænt hugvit ehf	2.000.000
Þ-16001	Norðurljósasýning og Gestastofa	Aurora Observatory	2.000.000
Þ-16002	Laugar - Yndisferðamennska	Bryndís Pétursdóttir o.fl.	850.000
Þ-16004	Hönnun heimskautsbaugslínu Gjósku	Gjóska	460.000
Þ-16006	Finkan	Guðrún Erla Guðmundsdóttir	460.000
Þ-16009	Geithvönn - ný náttúruleg heilsuafurð úr náttúru Íslands	Hvannalindir ehf	2.500.000
Þ-16014	Styrking innviða á starfssvæði Norðurhjara	Norðurhjari, ferðaþjónustusamtök	1.200.000
Þ-16015	Uppbygging Rannsóknastöðvarinnar Rifs	Rannsóknastöðin Rif ses.	3.000.000
Þ-16016	Skemmtiferðaskip á skemmtilegu Raufarhöfn	Raufarhöfn og framtíðin	1.000.000
Þ-16018	Dreifðar byggðir - betri byggðir	Þekkingarnet Þingeyinga og SÍMEY	2.000.000
		Samtals:	30.920.000

 

Úthlutunarathöfn Uppbyggingarsjóðs Norðurlands eystra mun fara fram á Breiðumýri í Þingeyjarsveit miðvikudaginn 18. maí kl. 16.

Fleira ekki gert. Fundi slitið kl.  18.10

Ragnheiður Jóna Ingimarsdóttir fundaritari.