Fundargerð - Stjórn Eyþings - 26.10.2010

 

 

4. Áhrif fjárlagafrumvarpsins fyrir árið 2011 á svæði Eyþings.
Farið var sérstaklega yfir þá liði sem lúta að einstökum stofnunum og verkefnum í landshlutanum, s.s. fjárveitingar til heilbrigðisstofnana, framhaldsskólanna, málefna fatlaðra, menningarsamninga, vaxtarsamninga og ýmissa annarra stofnana á svæðinu.

5. Viðtalstímar þingmanna Norðausturkjördæmis 26. og 27. október.
Lögð var fram dagskrá fyrir viðtalstíma þingmanna með sveitarstjórnum en Eyþing hefur annast skipulagningu þeirra.
Stjórn Eyþings mun hitta þingmennina strax að loknum stjórnarfundi. Ákveðið að fara yfir ályktanir aðalfundar og ræða sérstaklega ályktanir um niðurskurð fjárveitinga til heilbrigðisþjónustu, Háskólann á Akureyri, almenningssamgöngur og Vaðlaheiðargöng.

6. Til kynningar.
(a) Yfirlit um tekjujöfnunarframlög 2010.
(b) Yfirlit um áætluð jöfnunarframlög skv. tillögum um breytingar á reglum Jöfnunarsjóðs sveitarfélaga.
Sem vænta mátti felur uppstokkun jöfnunarkerfisins í vissum tilvikum í sér umtalsverðar breytingar fyrir einstök sveitarfélög.
(c) Fundargerð stjórnar SSNV frá 12. október sl.
(d) Dagskrá málþings um stöðu fámennra byggða, haldið að Ketilási í Fljótum 30. október nk.

8. Þingmál.
(a) Frumvarp til laga um mannvirki, 78. mál.
http://www.althingi.is/altext/139/s/0082.html
Með fjárlagafrumvarpinu fyrir árið 2011 er boðaður harkalegur niðurskurður á svokallaðri grunnþjónustu (heilbrigðisþjónusta, framhaldsskólar, félags- og öldrunarþjónustan og fleira), einkum og sér í lagi á landsbyggðinni. Sú skoðun virðist almenn að setja eigi grunnþjónustuna í forgang og meira að segja í sjálfu fjárlagafrumvarpinu kemur fram að standa eigi vörð um hana. Að mati stjórnar Eyþings verður það ekki gert nema horft sé sérstaklega til mögulegs niðurskurðar á öðrum sviðum.
Samkvæmt kostnaðarmati fjármálaráðuneytisins á frumvarpinu er áætlað að útgjöld ríkisins muni aukast um 100 mkr. á ári vegna nýrrar Byggingarstofnunar og hefur þá verið dregið verulega í land frá eldri áætlun ráðuneytisins. Í ljósi erfiðrar stöðu ríkissjóðs og nauðsynlegrar forgangsröðunar telur stjórn Eyþings fráleitt að stofna til þessara útgjalda að sinni. Þá ítrekar stjórnin þá skoðun að óviðunandi er að ríkið auki enn á umsvif sín á höfuðborgarsvæðinu og vísar til umsagnar frá 9. apríl 2008 um fyrri útgáfu frumvarpsins.
Stjórn Eyþings vill sérstaklega vekja athygli á 61. grein frumvarpsins þar sem kveðið er á um að Byggingarstofnun skuli starfrækja stafrænt gagnasafn um mannvirki og mannvirkjagerð um land allt. Einnig að gagnasafnið skuli vera innan gagna- og upplýsingakerfis fasteignaskrár Þjóðskrár Íslands eða samtengjanlegt því. Að mati stjórnarinnar ber að fella út orðin „eða samtengjanlegt því“. Sjálfsagt er að nýta þá þekkingu og reynslu sem fyrir er, en uppbygging og rekstur fasteignaskrárinnar þykir til fyrirmyndar, ekki síst tenging hennar við sveitarfélög landsins. Þá á sér stað áframhaldandi þróunarvinna eftir sameiningu fasteignaskrár og þjóðskrár undir nafni Þjóðskrár Íslands. Eðlilegt er að gagnasafn um mannvirki verði hluti hennar.
Niðurstaða stjórnar Eyþings er að hún leggst gegn samþykkt frumvarpsins að svo stöddu.

(b) Frumvarp til laga um brunavarnir, 79. mál.
http://www.althingi.is/altext/139/s/0083.html
Vísað er til umsagnar um frumvarp til laga um mannvirki en frumvörpin eru nátengd.