Fundargerð - Stjórn Eyþings - 03.10.2014

Stjórn Eyþings

258. fundur

Árið 2014, föstudaginn 3. október, kom stjórn Eyþings saman til fundar að Narfastöðum í Reykjadal. Mættir voru Geir Kristinn Aðalsteinsson formaður, Dagbjört Bjarnadóttir, Guðný Sverrisdóttir, Halla Björk Reynisdóttir, Sigurður Valur Ásbjarnarsonar, Siggeir Stefánsson og Soffía Helgadóttir varamaður í stað Gunnlaugs Stefánssonar sem boðaði forföll. Einnig var framkvæmdastjóri, Pétur Þór Jónasson, mættur.

Fundur hófst kl. 11:00.

Þetta gerðist helst.

1. Aðalfundur 2014.

(a)     Skýrsla stjórnar.

Skýrsla stjórnar og framkvæmdastjóra fyrir starfsárið 2013 – 2014 var samþykkt og verður lögð fyrir aðalfund.

(b)     Fjárhagsáætlun.

Samþykkt var að leggja ekki fram tillögu að endurskoðaðri áætlun 2014. Mikil umræða varð um áætlun 2015 en hún felur í sér miklar breytingar vegna aukinna verkefna. Í áætluninni er gert ráð fyrir ráðningu starfsmanns í samræmi við samþykkt stjórnar á 256. fundi og álit nefndar um skipulag og starf Eyþings frá 2012. Tillaga er gerð um hlutastarf. Árgjöld sveitarfélaga eru áætluð 9 milljónir kr. Tillagan var samþykkt og verður lögð fyrir aðalfund.

(c)      Starfsmenn fundarins.

Gerð var tillaga að fundarstjórum og riturum sem borin verður upp á aðalfundi. Valtýr Sigurbjarnarson hefur verið ráðinn ritari fundarins.

(d)     Skipulag fundarstarfa.

Samþykkt var að á fundinum starfi þrjár málefnanefndir, auk kjörnefndar.

1. Almenningssamgöngur.

Geir Kristinn gerði grein fyrir þeim lausnum sem unnið er að til að gera verkefnið rekstrarhæft hjá Eyþingi og greindi einnig frá vinnu sáttanefndar varðandir rekstur á leið 57 milli Akureyrar og Reykjavíkur.

Stjórnin samþykkti að fela Geir Kristni að sinna áfram störfum í sáttanefnd fyrir hönd Eyþings þar til niðurstaða verður fengin í rekstur og uppgjör á leið 57.

Með hliðsjón af breyttum áherslum var samþykkt að leysa frá störfum þriggja manna nefnd Eyþings um almenningssamgöngur sem vann að skipulagningu og þróun verkefnisins. Nefndinni eru þökkuð vel unnin störf.